Nire oporretako laguna

Aurtengo udan Nojara joan naiz nire familiarekin oporrak pasatzera. Bertan, jende asko egoten da eta udan are gehiago. Ni hondartzara joaten naiz askotan bakarrik, ama, aita eta nire anaia-ren konpaniarik gabe surf-a egitera. Surfa egiten ezagutu nuen nire lagun berria, Jon izenekoa.

Lehen aldiz ikusi nuenean tipo harroputza eta desatsegina zela uste nuen baina ezagutu eta gero desberdina zela ikusi nuen. Egun batean bere alboan jarri nintzen olatuak hartzeko, bertan hasi nintzen berarekin hizketan. Aholku batzuk eman zizkidan olatuak hobeto hartzeko, eta asko lagundu zidan. Egunak pasatzen ziren eta egunero joaten nintzen Jon-ekin surfa egitera.

Fisikoki oso mutil handia da, ni baino altuagoa. Sorbalda zabalak ditu eta oso indartsua da. Ile beltza du eta begi marroiak, nik bezala.

Nik, esan dudanez, harroputza eta desatsegina zela uste nuen, baina guztiz desberdina da. Oso pertsona majua da eta beti dago laguntzen. Lagun asko ditu, baina haiei ez zaie surf-a gustatzen eta bakarrik egiten du. Horregatik, asko gustatzen zaio ni berarekin surf-ean joatea, horrela ez da bakarrik joaten.

Oporrak amaitu eta gero berriro Ortuellara bueltatu behar izan nuen baina hurrengo urtean berriro ikusiko dugu elkar eta surf-a egitera joango gara.

Tango urdina

Tango urdina gustatu zaidan liburua da, interes handiarekin irakurtzen dena. Liburuaren espresioak eta gertaeren xehetasuna oso ona da, baina deskripzioak txukunagoak izan behar dira. Fisikoki ez dira pertsonaiak asko deskribatzen eta hori nabarmentzen da, pertsonaiak nolakoak diren norberak imajinatu behar du. Nire ustez, nobelaren gaia, tratu txarrak, puntu inportanteena da, gaur egungo gizartean bizi dugun arazo larria baita. Bi narratzaile erabiltzea oso ideia ona izan da idazlearen partetik eta ikuspuntu gehiago ematen dio istorioari. Beste gauza batzuk kontuan izaten baditugu oso liburu ona dela esan behar dut, batez ere idazlearen lehenengo liburua dela jakinda.Azkenik esango dut liburu hau irakurri aurretik ez zitzaidala gustatuko pentsatu nuela, baina irakurri eta gero asko gustatu zait.

Apaizak hobeto

Gaur Gorbeia Aretora Jon Maia zumaiar bertsolaria eta idazlea etorri da. Hona etorri da bizi izan duen espedizino batez hitzegitera, euskal arrantzaleen egintzak eta bere bizimodua ulertzeko espedizioa. Lehenengoz, azaldu digu nola bizi ziren euskal arrantzaleak, munduko arrantzalerik onenak orain dela urte asko. Arrantzale hauek baleak harrapatzen zituzten eta baleen koipea eskuratzen zuten, horretarako, itsasontzi handietan joaten ziren baleen atzetik eta bat ikusten zutenean itsasontzitik txalupa txikiak botatzen zituzten eta balea hiltzera joaten ziren.

Geroago, Jonek berak egindako espedizioaz hitz egin du. Espedizio honetan Jon eta lagun talde batek euskal arrantzaleen bizitza egin nahi zuten. Horretarako arrantzaleak egiten zuten gauzak egiten zituzten: ez zuten ilea mozten, arropa berdina eramaten zuten, hotza pasatzen zuten…

Hau izan da gaur Jon Maiak azaldu digun historioa.

Nire ustez oso ondo iruditu zait gaur egin dugun irteera, historiaz asko ikasi dugulako eta interesantea izan delako, baina oso luzea iruditu zait.